有利位置

今日 ~ 天陰  間中有陽光  有風清爽  

經過多次探測

最佳位置在此

樹多好遮陰

風吹涼陣陣

嘆抖就最啱

但是

媽媽命我撤回行人路

因為

單車徑打躉

會做成阻塞交通

見冇單車過

又扮失憶

重複...重複...

走回原位仲刨手添

然後

循例癲番陣 

巡視完畢

放水收隊

停一停

諗一諗

@@不如......

行埋大街

再去和記買零食

咁就 good 啦

  行動失敗

媽媽扮傻當冇件事

淨係話 D花好靚..好靚..返屋企喇喂

惡貓壞大事

今晚 

 

我和馬拉糕久別重逢

所以焦點集中望靚女

而沒有留意到...

一隻單眼惡貓

突然衝過來攻擊我隻手

牠用了"快速連環貓掌"

而且豎著尾巴虛張聲勢

幸好我皮粗肉厚無事幹

當時

義工姐姐正在餵飼流浪貓

單眼貓是其中一隻

避免上演一幕 "貓狗追逐戰"

我和馬拉糕沒有放繩

在這情況下怎樣過兩招呢

捉迷藏...比武功...

這大好機會就此告吹

沒玩個痛快便講 bye bye

期待下次再見面

切磋!!  切磋!!

老頑童

26-03-2011

十歲小頭子  

依舊小孩子

趣味沒減退

八卦勝從前

周圍找目標

尋樂最重要

貪玩百厭精

絕非有惡意

雖則男兒身

嗲豬似baby

日日做步操

跑跳好輕鬆

志在癲一輪

keepfit 難做到

看似肉吞吞

其實.......

肥得唔過份

食嘢有節制

低脂兼量少

年紀唔細喇

捱餓不得了

石頭的格言

首以食為先 (咁先至有力玩)

吃喝後玩樂

開心每一天

今朝早...

石頭食左幾啖蕉

情緒高漲不得了

阿媽洗頭準備入企缸

正常石頭靜靜門外等

但竟然...

企圖跟住入企缸

無奈被拒入不得

興致勃勃點算好

叼來鴨仔玩住先

邊咬邊等悶意消

直至等到阿媽出來

挾持阿媽出廳再癲過