14歲生日怏樂

happy birthday to you 

happy birthday to you 

happy birthday to 石頭

happy birthday to you

裝吓係乜東東先

快 D 拎俾我食啦

媽媽祝石頭

手腳聽話健步如飛

身體健康開心快樂

四月有 D 事

Long time no see

大家好 !!!

四月有 D 事

等我話你知

點解咁耐冇蒲頭 ?

因為
有人左眼發雞盲呀 !

阿媽左眼老毛病發作

視カ受到影嚮

需要多休息少傷神

所以一段時間冇寫 blog

希望康復得快

索性請個長假養眼

最開心係我啦

可以同阿媽朝夕相對

哈 .. 哈 ..

目前視カ正常返

但係狀態好唔返

眼睛好容易累喎

唓 ... 好易啫

咪埋眼米唔累囉

蠢蛋

好彩唔肓得
趁長假替我剪毛消暑
似唔似白豬仔呢 ?

偷看覺覺豬

請注意
以下圖片可能令人恰眼睏 

有隻狗仔覺覺豬 ZZzzzZ

媽媽 :

好似 B B 好可愛

爸爸 :

似隻大舊衰多 D 喎

媽媽 :

大隻 B B 好可愛

爸爸 :

來來去去都係咁既樣

見過冇數次拍過冇數次

唔厭架咩 ?

媽媽 :

次次有趣唔厭喎

有時似隻大冬瓜

有隻大冬瓜碌出界

別人眼中可能睇到眼寃悶到嘔

身為阿媽總是百看不厭

唔知其它阿媽有冇身同感受呢 ? !

感謝

３月７日收到個小郵包

係一個素未謀面的 blog 友送給石頭的手信

驚喜又感動

裡頭除了有一份禮物

還有一份心意

已有兩年冇戴過頸巾了

這份禮物提醒我要扮吓靚仔

不過

戴了頸巾唔係去街架咩

做嘜仲唔出發

揾老襯呀？！

hehe冇揾老襯

等我戴新頸巾去巡塲先

好多謝 June 姐姐呀

凍冰冰

入冬以來的最凍
 7。C 
好凍好凍呀

天寒地凍

瞓梳化最舒服

冇咩事幹唔好打擾我

有嘢食有街去先叫我啦

大家要小心保暖自己

唔好凍親呀 !!

玩花臣

剛剛去完散步回來。。。

媽媽 :

做乜唔返上樓

伸個鼻出去做咩呀 ?

石頭 :

我想出去囉

媽媽 :

又睇你出去玩咩花臣

石頭 :

就係咁 [昆] 到阿媽放我出去了

第一站

頭先未有同鄰居傾計

唔講野會囗臭

第二站

頭先漏左篤屎未痾

忍屎會放臭屁

第三站

頭先冇巡呢度

唔巡過個心囉囉孿

嗱 。。。

石頭冇玩嘢有功課交啦

13歲生日快樂

牛肉餅出塲
係呀 ..... 
係石頭牛一呀
點解崩左忽 ?

係我做。既

媽媽對焦影相

我就對焦去搶

出ロ咬餅兼咬相機帶

1月11日才是正日

媽媽要返エ所以提前慶祝

石頭冇時間觀念架

只要有得食就開心

媽媽祝石頭

手腳聽話健步如飛

身體健康活潑精伶

生日餅和祝福語年年都一樣架 

哈哈

揾錯門囗表錯情

屋企地方唔係大

阿媽唔見卻事大

石頭是個裙腳仔

跟實阿媽冇甩底

話說有一晚

石頭睇漏眼

唔知阿媽入左邊間房

廁所廚房定睡房 ???

先睇廚房再揾廁所

入到廁所唔見人

冇理由搞錯嘅

一定匿埋呢樹。既

唔通匿在門後面

阿媽試過好多次

匿在門後玩捉迷藏

一定係冇錯既

石頭望住道門擺尾巴

等著阿媽出來啦


等待中。。。

唔多對路有 D 怪

好似有人昅住晒

擰轉個頭望吓啦

嘩 !! 原來阿媽企左响後面

睇到晒醜死怪

今次真係搞錯晒

大鼻子被人笑壞了

( 圖片攝於案件重演 )

加料果皮

傻媽初次學人曬果皮

用 100 蚊買來 3 串皮

日頭露天曬夜晚收入屋

有一日 .....

收果皮的時侯

傻媽左手拎果皮右手去關門

面向露台冇察覺身後有狗仔

大好機會呀

石頭好奇呢堆係乜東

於是用大鼻子聞清楚

當傻媽擰轉身先發覺

大鼻子已緊貼住果皮了

哈哈

人哋話果皮要儲存五年先用得

石頭就將一份回憶儲存在果皮裡

五年後 D 果皮變臭定係甘香我唔知 

但我知到時有人會回味今日的事

見到果皮想起石頭

談心

9 月 20 日覆診

揾 E 生講心事

體重 32 kg冇大分別

今次做左心電圖和超聲波兩種檢查

報告

心跳速度 , 倒流 , 平穩同上次一樣

即是冇衰到亦冇好到

心臟病衰開個頭就冇得好返轉頭

冇退步即是有進步 ( 醫生教架 )

心臟藥食開亦冇得減冇得停

食開 5 種丸仔為持不變

聽落都幾開心以為唔洗加藥

原來仲有下文嘅

醫生建議加多隻心臟藥

係放鬆血管有助血液正常運作

用意係拖延惡化速度

咁 E 生你話事啦

醫生同阿媽係度講心事

我就趴在枱底

我想醫生知道我在這裡

所以伸個頭過去對面枱

然後用鼻撞醫生隻手

石頭冇周圍走好乖架

見過咁多個 E 生

大安醫生常常話我乖

茱利亞醫生又話我乖

助手姐姐哥哥都話我乖

係得院長冇話我乖

佢一本正經只顧講心事

唔睬我又唔摸我喎

我話佢最唔乖

探完 E 生




一塲出到城

梗係行吓街先回家啦

仲帶左一個月份量既藥回家

從此藥箱又多一名成員

石頭既健康靠你哋喇