失守

我乞狗憎嗎 

我極樣衰嗎 

我勁靚仔嗎 

我太好蝦嗎 

一次又一次

發生咁嘅事

兩者不同之處

前者擺明車馬

後者擺明暗算

在五月二十八日晚上

正在享受自由行之際

遠處而來有隻蝴蝶犬

由於我熱情無限

唔知對方會否介意

避免蝴蝶家不安

照例上繩米甩拖

再行近望真 D 啦

蝴蝶斯文又淡定

走起路來冇搶繩

騰雞驚青唔多似

阿媽知我想 say hi

首先表明冇惡意

人家冇出一粒聲

但行動話左 ok 喎

四人兩狗再行近 D

以為交個朋友仔

蝴蝶突然要變身

化身 "狂瘋狼蝶"

飛撲大咬亂咁啄

吠過不停走晒樣

真係啄中我鼻哥

痛到打退幾步喎

冇人發覺鼻中招

準備球場打個轉

此時此刻

蝴蝶主人開金口喇

講左一句嘢

"佢係咁樣架"

對方表情冇異樣

似是意料中的事

一早肯出聲

鼻哥唔洗痛啦

直至到了球場

睇踢波睇到...

情緒高漲呱呱叫

口渴飲水喇

做乜鼻哥紅トト

流血呀

當日返到屋企咁既樣

今日好得多 傷口長 3/4吋

互咬

事情發生在5月19日

當晚遊蕩完畢

漫步歸家途中

迎面而來有隻比高

例牌狂吠遼我隻揪

牠的"金蟬脫穀"練功有素

自行脫甩頸圈

一支箭標埋黎

向我起勢亂咬 

沒有放繩的我

為求自保要還拖

道理响我這邊

冇得唱我大蝦細

唔通任咬唔嬲咩

he..he..我冇蝕底

咬左比高幾啖 

我們出巡必備"長傘"

此刻大派用場

用來驅趕最啱駛

幾吓手勢便解圍

驅趕期間

阿媽用傘隔開我哋

比高主人不敢埋身

淨係企埋一邊大叫

打比高啦..打比高啦

終終等到時機成熟

比高主人先出手抱走牠  

雙方家長事後討論

比高主人 :

比高個性囂張

曾經被大狗咬

可能這個原因

做出今次的事

好彩大家冇損傷 

我阿媽又腦部退化

唔記得澄清冇打比高就咁散場添 

比高你確好嘢

心口有個勇字

仇恨化為力量

打不死的精神

毋懼高頭大馬

佩服!!  佩服!!

但是...

恩怨要分明

咬你果隻狗

唔係我黎架

被大狗咬過唔係好驚架咩 

***************************************

今次

阿媽第一次見我同狗互咬咋

今晚  紅雨

阿媽第一次被我激到咁嬲

我由冇落雨行到落勁大雨

仲要遊蕩扭計唔肯返屋企

我兩日冇遊蕩先至咁樣咋

件雨褸測試到好堅冇漏水