蜜味燜牛腱

材料 :

急凍牛腱 1 斤

乾葱 2 粒

薑 5 片

紹酒 1 湯匙

蜜糖 2 湯匙

炒香白芝麻 1 茶匙

調味料 :

生抽 1 湯匙

老抽 1 茶匙

水 3 杯

做法 :

1) 牛腱解凍 , 洗淨 , 放入滚水中烚 10 分鐘 , 盛起 , 牛腱切塊 .

2) 燒熱鑊 , 下油 2 湯匙 , 下乾葱 , 薑片炒香 , 放入牛腱 , 贊酒炒勻 , 下調味料煮滚 , 改用慢火燜 1 小時至軟身 , 最後加入蜜糖煮至汁液收少 , 盛起上碟 , 灑上白芝麻 .

睇醫生後遺症

自從上次去診所受刑之後
直到現在仍然抗拒踏出本村範圍 ( 拉大隊除外 )
點解 ???



因為 ...
害怕媽媽化身女魔頭
帶小頭子去那鬼地方
害怕診所的醫生大人
大刑待候確實難頂呀



以往每次在狗厠 ( 避車處 ) 疴完尿
然後便開始旅程
有草地遊蕩或上街趁墟兩種選擇
但是現在每次到達避車處
都會拒絕繼續前進
反而要掉頭歸家



所以
我企硬唔行
於是
媽媽帶我返回屋企附近的空地玩
幸好
有足夠地方給我舒展筋骨



爸爸時常說我蠢
真係一 D 都唔蠢
邊條路去邊度
乜頭乜路記得清清楚楚
誰敢再說我係蠢蛋

貓朋狗友

今次


我大方得體冇趕客


但是有另一位趕貓客

媽媽幫小貓按摩


可能手勢欠佳


小貓醒了媽媽幾吓貓掌


唔多高興在此處跳走 

我和媽媽出去看個究竟


牠又回復正常冇事喎


係米貓小姐每月指定日子發作呢 

此時


叻仔又來湊熱鬧 

我哋傾左幾句


再問侯吓對方

然後就各自尋找各行各路


打探邊樹有米派

今朝哥哥報錯料


話我尿急亂咁跳


其實心急想出街


動作太大唔覺意


撞到媽媽手都損

心情興奮 high 爆燈



分享喜悅好 happy



邀請媽媽齊來玩 ( 咬人隻手 )


一人一狗追追逐逐


天氣寒冷配陽光


I  LIKE  IT 

各位貓朋狗友

~~~~~ Merry Christmas ~~~~~

趕走肚瀉

爛嘢走晒
好嘢返黎

便便回復正常
雖然細細舊
勝在質料好

明天會更好 . 好 . 好 ........ 

活カ小子黎喇

我跑得開心

媽媽更安心


唔知係我跑得快定係媽媽影相水皮 ( 影得好屎呀 )

聞完草放完水

收エ返屋企喇喂

戒ロ

尋晚痾到清倉

今朝肚餓到打鼓

等到 1 點先食早餐

係白飯一兜清腸胃

頭兩輪落街都是痾爛野

記得 (派米教主) 教路紫蘇葉有幫助腸胃

於是媽媽帶我一齊去摘紫蘇葉

我吃了三小棵之後就冇再肚瀉

爸爸總覺得食白飯唔夠飽肚

所以晚餐給我豆豆糧

我要快 D 好返 ... 食好嘢

一個辛苦的晚上

咁大個仔一向不在屋內大便
今晚是第一次 .........


凌晨四點
在狗床上瞓唔著呼吸急速
原來要嘔呀
然後又焦急地騰來騰去
原來肚痾呀


媽媽知道我唔習慣在屋內痾嘢
所以鋪報紙扮在街大便的模式
讓我痾得放心
其實我千萬個不願意
可是敵不過肚瀉
只好破例一次


我感覺自己做了壞事
驚到要找個地方躲藏
本來想躲上梳化
被媽媽及時阻止
否則真的做了件大壞事
因為尾巴已被便便弄污


又嘔又痾....再痾再嘔
待媽媽幫我抹乾淨身體
我瞓在梳化休息
當清潔好現場已經是凌晨五點幾
媽媽怕再有餘波
索性唔瞓住在梳化陪我


媽媽心裡好內疚
又一次疏忽照顧小頭子
又嘔又痾亦係第一次
今日食豆豆糧 , 牛軟骨 , 西蘭花 
究竟邊樣出問題呢 ?
以前試過食牛軟骨 + 甘荀.....半夜嘔一次便大覺瞓天光
今次唔通係牛軟骨 + 西蘭花出事 ?? 


直至早上七點幾
我依然瞓在梳化
沒有再痾嘔
媽媽報告完畢
現在可以上床瞓覺了

老當益壯

準備踏入11歲

老態漸露不再年輕

披毛薄了抵抗カ差了

幸好活カ無減越玩越有


可是今年頻頻睇醫生

次數超出多年來累積的總數

甚麽 ... 耳仔發炎 . 腸胃炎 . pet pet 發炎 . 狼狗咬大脾

首次發生在我身上

確實要好好的保養

唔該媽媽勿偷懶

悉心照顧小頭子

我要 ........

繼續做個大胃王

繼續做個老頑童

每日一粒魚油丸

每日蔬菜不缺少

每日刷牙好乾淨

勤洗耳仔好重要

我和小貓的一個早上

牠 .....

表面是一隻貓

性格似一隻狗

是我最 friend 的一位貓鄰居 

每次見面 .....

我們以禮相待互相親臉 

小貓沒有半點怕羞

時常不請自來作客 

準備熱烈歡迎小貓 

一定要發揮好客精神 

音聲細氣驚到黐埋牆

粗聲大氣嚇到出門ロ 








好客變趕客添