堅持

一星期前元氣大傷

抖左幾日精神晒

冇再發軟蹄

走路冇問題

但是仲有 2 個問題

我要求加餸撈狗糧

媽媽冇咁順灘

未能做到餐餐有餸加

加餸計劃仍未成功

上落樓梯行壞腳

為了保護對腳

媽媽想將落街次數由 3 次減到 1 次

其餘 2 次在露台如廁

我堅持拒絕

尿尿計劃仍未成功

石頭 : 加餸計劃唔放棄 , 努カ加油 .

媽媽 : 尿尿計劃唔放棄 , 努カ加油 .

大搜查

7 月 23 日  星期一

覆診的大日子
我帶著饑餓的肚子
準備應負磁カ共振和 X-RAY


入到醫生房間
經過一輪對話後
蘐士姐姐帶我去另一個房間
我沒有抗拒而且很好奇
心裡想著有咩參觀有咩玩呢 ?
Oh.......原來唔好玩既
俾人呃左去抽血檢查


大搜查完畢後
醫生說神經線沒有受壓
確實係退化
年老退化是不能根治只能拖延
需要食血液循環丸和闢節保品
需要做針灸和游水


回程的時候掛起 8 號波
好 . 好 . 好 . 濕滯的一天


*
*
*

第二日
早上瞓醒想 R 臉
但是腳痺 R 唔到
整晚瞓在天橋底同一個姿勢轉唔到身
搞到對腳冇カ唔聽駛
好唔開心又冇心機
食豆豆食到誓願先清兜
第一輪落街來回全程要媽哥組合來抬我
痾左第一篤尿後逐漸回復體カ
第二輪只是上落樓梯要抬
落到樓下平地可以自已行了


*
*
*

第三日
胃ロ差到只食幾粒豆豆便罷食
晚餐蛋白撈豆豆就食清光
食得 happy 心情靚
即刻走去擦梳化
媽媽オ鬆一ロ氣

失眠疑兇

清晨 5 點幾
我又失眠瞓唔著
在房門位置望著熟睡的媽媽
果然心有靈犀 @ @ 媽媽醒過來
見我趴在地上頭昂昂眼光光
立即落床陪伴我


媽媽用右手托住我下巴
用左手摸住我塊臉
我實在太攰..太攰
大隻頭向下垂
把媽媽的手也壓在地上
我不知不覺睡著了


媽媽雙手的職責
右手負責做枕頭
左手繼續做按摩
當摸到頭頂的右邊
發覺有不停的郁動
彷彿腦袋正在地震
感覺似心臟跳吓..跳吓
肉眼看得到郁吓..郁吓
不規則的震動由急轉慢
持續到早上 8:00 報告完畢仍然未停


真正失眠的原因
只有我知道
媽媽靠段估

精神一振

此刻眼中只有它

等到好心急 . 好心急 . 仲未食得 .

不如出廳兜個圈先得

自從 "達落地" 事件後

梳化有 cushion 做路障防止狗隻上落

在等食期間

有人無記性忘記擺路障

我將興奮心情發洩在梳化上

上上落落來回兩次

安全登陸 謝天謝地

大碟是人食

細碟是狗食

石頭唔客氣食先啦

到大人開飯的時侯

再一次衝上有路障的梳化

食雞肉食懵了

時光倒流

下晝沖涼的時候

悶到屎屎吓攰到屎屎吓

有人偷影都唔知

白切雞帶給我無比的歡樂呀 !

饑餓12小時

昨天

我和神經科醫生首次約會

診所提示診症前 12 小時禁食 3 小時禁水

我帶著饑餓的肚子準時赴約



單看外表我沒有任何不妥

事實上卻有幾項唔妥

持續半夜時候騰來騰去難以入睡

間歇性上落樓梯時後腳カ不從心

間歇性步行時後腳向外跣 ( 只限家中的滑地磚 )



醫生說我精神好步行得不錯

經過檢查後原因有幾個

 神經線有腫瘤或退化

關節發炎或退化

後右腳明顯反應緩慢

要治療先確診

必須做磁カ共振

但是即日時間唔容許

因為當時已經是下午

沒有足夠時間給麻醉藥甦醒

只好再約期吧 !



我的病情暫時不能確實

我的眼睛雪亮確是事實

醫生說我眼睛一點白內障也沒有

再次約會

今日

揾醫生檢查臭腳

醫生很仔細檢查

首先屈曲後腳關節有啪啪聲

再用鎚把腳敲.敲.敲

接着用鉗把腳趾夾.夾.夾

正常會有不適感覺

可惜我沒反應

然後用鉗夾背脊

上半身肌肉有抽縮感不適反應

這樣是正常

但是夾到下半部

近尾巴的位置沒反應

不正常了

神經反射異常

即是 "神經線受壓"

被甚麽東西壓住 ??

單憑表面檢查難找到答案

~ 結論 ~

關節退化和神經線受壓

現階段情況要做的事

日常護理要做好

1. 做運動鍛鍊肌肉  ( 例如遊水 )

2. 打針 / 保健食品有幫助

媽媽選擇了保健食品

 

如果將來痛楚來臨

需要打針 / 藥物來止痛

一個驚慌的晚上

媽媽 VS 小强 ( 甲曱 )


深夜 12 點幾
我在房間瞓教
爸爸床上熟睡
哥哥厠所沖涼
媽媽房門外玩電話


這時候
有隻小強在廳中橫行霸道
繼而再 "鼠" 入梳化底
媽媽本來想等哥哥執行減殺行動
但是小强唔等得
從梳化底 "標" 出來
向我的房間衝過來
媽媽嚇到目定ロ呆
小強成功過關衝入房
媽媽立刻拿起隻波鞋
拼命一吓一吓樁隻小強
為了克服心裡的恐懼
所以邊打邊說...死啦..死啦..打死你
十足鵝頸橋打小人咁呀 


此情此境
眼見媽媽化身女魔頭
耳聽媽媽說打死你
我當場嚇得要屎
為今之計
即閃  閃到出廳
無奈  點算好呢 


媽媽繼續作戰
成功征服小強壓在波鞋底
等待爸爸處理事後エ作
然後出廳接回我入房
我又返回天橋底
以為有教好瞓


誰不知
多疑的媽媽怕小強唔死得
拎起隻鞋看個究竟
真係唔死得喎 仲走得很快
一場大戰又再開始
一幕打小人又再重演
我又一次逃離現埸
今次要逃遠一點
避難所是哥哥房間


爸爸被嘈醒了
一出手小強即玩完
媽媽去哥哥房間想接回我
可是我受驚過度
嚇到眼琼琼 鼻哥窿冇肉
我接受不了一個女魔頭媽媽
我擰歪面唔望她唔肯走
媽媽只好自己入房瞓教
過了很多分鐘
輪到爸爸來迎接我
我仍然很驚慌但又想返回自己房覺覺豬
只好頭耷耷縮尾巴跟爸爸返入房


~~ 賽後結果 ~~

媽媽手痛屎
石頭驚到屎
小強屎坑去

榮升大爺

人黎喇喂 .....

上個月開始

加設人手餵食服務

只食了一半

便走去擦梳化

( 正常是一ロ氣清兜 , 然後才擦梳化 )

玩一輪繼續再食下半場

(今次冇玩嘢 , 正常自己食 )

飲水飲兩啖又唔飲

要求更換新鮮水

媽媽 :

石頭一向飲到乾乾淨淨仍繼續舔

現在學了mo豬 的壞習慣

剩餘少量水就唔飲

究竟嫌臭ロ水味定係唔想條脷伸咁長 

人同狗年紀老了

同樣需要家人關心

我都一樣