游水

8 月 28 日

我想鍛練肌肉

又想強健體魄

但又唔想游水

淨係玩水得唔得呀 ?

每次落水浸吓腳

卻一次又一次被押出大海

有個拉布拉多仔喎

牠叼了我阿媽一隻拖鞋

還未夠喉再叼齊一對

是個爛玩的小孩

我們都唔願意游水只喜歡玩水

大家都是被呃被氹之下游水

亦不會為自己心愛的玩具而游出去

相方家長攜帶的玩具是白費

好合拍的一對

全場只得 2 隻狗

做完熱身脫下熱狗衣

石頭帶著輕鬆心情自己行落泳池

可是落腳點是深不到地



有隻狗仔跌落水

很多狗仔曾犯的錯

我今次初嘗滋味

亦冇損我落水的興致

但只限淺水地帶

媽媽很忙碌在泳池兩邊走來走去

目的是引我游來游去

媽媽不斷叫我努カ加油

拉布媽又為我打氣

石頭不負眾望游了好幾圈

我們游水是被迫的

大家好心急游返上岸

拉布仔後來追上先到達終點

後生可畏

希望有緣再見拉布仔你啦 !

大贏家

就憑一句 " 食得是福 "

驘取日日有餸加

自從身體狀態唔對路開始

餐餐食飯扭計兼誓願

事實上冇餸齋狗糧都肯食

只是食得慢要分幾次先清兜

有人唔忍心石頭食得咁委屈

所以決定加餸

得左  

今日午餐蛋白撈狗糧

等待烚雞蛋期間

狗糧己被吃了半兜

所以得返咁細兜...冇人刻薄狗

前幾天發現地上有粒藥丸

媽媽 :

搞錯 ) ) ) ) ) )

幾時吐返粒藥丸出黎架 ?

石頭 :

傻媽自以為好醒

其實一名豬頭炳

藥丸送進入狗口

想必安全到肚子

呃飲呃食我至叻

又臭又苦唔吐至奇

拖字訣

年紀大機器壞

ロ說事實要面對

心裡卻豁不出去




石頭上次的大搜查報告 ~

*脊骨神經線退化

*腰椎間盆突出 + 骨刺

*左右後腳關節磨蝕

*骨骼疏鬆

全部屬於輕微




時光不能倒流  損壞不能還原

最令媽媽擔心是神經線退化

因為是無藥可救無法醫治

如果退化到某個程度會導致失禁 , 尾巴擺不動 , 下肢麻痺

如果椎間盆突出和骨刺再嚴重亦會影響到神經線

結果也是一樣




目前要做的事是延緩退化

食藥 + 針灸 + 保健食品 + 游水

它們是拒衰老四寳

己成為石頭的生活良伴




現在所做的一切只為一個 " 拖 " 字

希望推遲那一日的來臨

希望延長石頭的快樂狗生 !

魚目混珠

藥丸已成為我的餐後甜品

早 1 粒半   晚 1 粒

媽媽說餵藥不能夠勉強

最好是自己的藥自己食

午餐甜品

上層藥丸下層保關節肉粒

一粒有齊兩種功效








晚餐甜品

2 塊餅仔 + 1 粒藥丸 + 2 塊餅仔

有時要博懵把藥丸放入ロ

針灸 ~ 2

8 日 14 日覆診 30 kg

針唔拮到肉唔知痛  我知痛

經過上次針針到肉  我嚇怕

今次一步入診所還未行到 reception

我已驚到喊出聲 ... Oh . oh . no  掉頭走

可惜亦難逃一拮

由於我表現緊張呼吸急促

醫生要替我用聽筒聽吓心跳

然後オ施針

比針拮的我當然又騰來騰去

媽媽嘗試用濕毛巾冷靜法

唔夠 1 分鐘己失效

改為按摩大隻頭  駛得喎

今次比上次拮多 2 支針在尾巴對上的位置

我唔多 like 要 fing 走 d 針

成功 fing 甩左 1 支

比原定時間提早見完醫生

但是爸爸仲未來到

所以唔走得住

等吓 .. 等吓

我索性灘左响地上一陣

走嘅時侯記得叫我喎  唔該

圖片稍後補上

我用手機拍照

唔知搞乜上載唔到

針灸

8 月 5 日

此刻的我

身上拮住十幾支針

人哋話針灸好痛..好痛

你估我痛唔痛呢 ?

等我從頭講起啦 !

覆診先磅重 30.3 kg

循例表演 cat walk 給醫生觀看

出名八卦的我

每次行 cat walk 途中順便走入其它房間參觀示範單位

今次也不例外

當醫生叫我的時候

我繽紛跳到她面前

醫生說我表現好狀態好

我沒有半點兒害怕這個地方

證明上次 "大搜查 " 被賣甩事件已拋諸腦後

表演完畢後

大長針侍候

一個姐姐 + 一個哥哥

一頭一尾合カ分散我的注意カ

我發揮乖仔精神任拮唔嬲

只要行得走得就隨便拮

醫生用她熟練的針法

123 . 123 . 123

3 支針一組總共分 3 組拮背脊

大脾各拮 2 支針

話咁快就完成

而我還要等 20 分鐘先可以拔針

等候期間

雖然沒有表現痛楚

但是騰來騰去渾身不自在

媽媽出招助我解憂愁

用手摸著我的大隻頭和掃著下巴

我心情逐漸平靜下來等拔針了