Boxing day ~ 寸狗遇上路霸

上船前

碼頭遇上陀地狗家族

一家大細好多隻

飛奔沖去兇石頭

幸好

碼頭聚集人群在拍照

船上乘客高呼石頭快上船

勝在人夠多

人氣旺盛陀地不敢胡作妄為

安全上船一額汗

落船後

又遇上一隻路霸

牠行為搞笑並非大奸大惡

明明原本瞓在路側邊

望見石頭行緊黎

專登走去行人路

打橫瞓正路中心攔住條路

擺明要話你知

邊個係  [ 莊 ]  [ 閒 ]

石頭寸爆一聲唔該都冇

直行直過話知你

因為

爸爸左右䕶駕媽媽留後監察

石頭話駛乜驚你

路霸多次上前追問石頭

石頭唔理唔睬繼續行

路霸唔奮氣

張開ロ向石頭籮準備出番ロ氣

傻媽使出高八度音波功 " 喂 " 一聲

路霸即收ロ掉頭走

回程再窄路相逢

路霸又眼金金盯住石頭行過

今次平安大吉冇事幹

又見另一隻狗仔

牠是親善大使冇惡意

讓路給石頭好樂意

如果要避開陀地狗

就唔好去碼頭搭船過河

原來揸車可以直到這裡架

蠢左添

Boxing day ~ 南生圍

到達南生圍

左右 2 條路

先揀向左行

看看有嘜東東睇

見到一大片蘆葦田

我站的位置

有很多遊人取景影相

媽媽叫我影埋一份喎

條橋穩唔穩陣

會唔會跌落水架 ??

On 狗準備好

笑 ...

影啦

今日回升到 20。C

一開波我就拼命飲

一支 500 ml 慳住都唔夠飲

有個小朋友幾次找我問好

石頭年紀大

觀光大過嬉戲

唔好意思係咁先

媽媽說做狗要有禮貌

我跟牠點吓頭問吓鼻哥

然後就。吾知講 D 咩好

盡頭是大草地

掉頭 lu

全程最感興趣是這條小路

兩旁長滿長長的草

興奮得一支箭向前跑

爸爸叫先肯停步

媽媽又玩落後

掛住亂影一通

石頭點唔齊人數

要跑去尋人歸隊

回程再向右邊行

好有漁村風味

士多買嘢食

豆腐花 10 蚊雞好細碗

排隊等搭船仔過河

單程 1 人 5 蚊雞

狗仔免費

鄉下仔石頭

第一次坐船仔

浮吓 .. 浮吓

有 D 緊張呀

所以要抓實爸爸隻腳

乘客很包容冇嫌棄多隻狗

還大讚這隻傻狗

一分鐘的船程充滿歡樂氣氛

到岸了

船仔泊得唔夠貼有條隙

石頭上岸心驚驚腳縮縮

又一次引來各人哈哈大笑

聖誕節 ~ 下集

午睡後  精神爽利

媽哥伴我暢遊草地

感覺份外興奮

此處曾經是每日必到

現在間唔中先到

我要在聖誕樹旁邊 VV 簽到先得

天氣凍飲少少夠啦

哥哥餵完我飲水就唔見人

去左邊度呢 ?

原來他獨自去偷歡

我唔罷休要找他出來

左望望 ...

右望望 ...

唔見喎...



石頭是個有責任心的金毛尋回犬

當然要跑去尋人

但唔夠媽媽手快

已被上繩以防跑出馬路

我點都要等多陣先肯離場

回家後

食完晚飯即刻覺覺豬

夠鐘去曬月光先叫醒我啦 !!