又想落又怕痛
確實好茅盾
今次輪到你啦
屋企有三條友
其中一條係廢柴
根本抬唔郁石頭囉
本狗好公道
公平有一套
二比四最好
一日落街三次
兩日等於六次
頭兩次自己落
尾四次轎夫抬
平均每人兩次
公道唔公道 ?
隔日回返道氣
再順序二比四
最近
我玩識上唔識落
即係
上樓梯冇問題
落樓梯腳騰騰
落樓梯要由專人護送
我大隻雷雷真係唔多鍾意俾人抱
唔該抱穩 D 呀
有陣時
我會鼓起勇氣
選擇自己衝落樓梯
又有時
我會玩吓嘢
站在樓梯前等運到
一見有人出來做轎夫
自己就一支箭衝落去
每日落街三次
冇人估得到我邊次需要轎夫服務
爸媽哥被我玩到氹氹轉
6 月 13 日
我生日冇咩特別活動
食過蛋糕就算是慶祝
因為我好喜歡食蛋糕
哥哥送的生日蛋糕
石頭爸送的手機
石頭送的歡樂
上半場好開心
下半場倒扣分
石頭送禮打孖上
嘔完一劑又一劑
唔多搞事瞓一角
呆呆滯滯眼光光
生日蛋糕出場來
乞兒仔唔乞食喎
唔正常 唔正常
深夜
熟睡石頭數呼吸
望來望去唔多郁
唔見肚仔有波幅
以為呼吸停止左
驚得我
唔通就咁瓜老襯
再睇四腳發羊吊
原來發夢亂咁跳
呼吸回復正常了
第二日
隔夜蛋糕再出場
乞兒仔如常捧場
正常了 正常了
石頭健健康康開開心心
就是我最佳的禮物
6 月 13 日
貓老弟唔 so 石頭 。。。
散步前
一出門ロ見貓瞓在洗衣機頂
正常的牠會跳下來跟大隊去玩
今次居然冇反應
繼續灘屍繼續瞓
散步後
貓原封不動瞓屎左
石頭圍住洗衣機繽紛跳揾貓玩
貓冇回應狗
只係睬媽睬哥係唔睬狗
石頭唔罷休作進一步行動
雙手擒高洗衣機去裝貓
要問貓做咩唔睬狗
貓嫌狗頰跳落地準備離場
狗啟動 9 秒 9 飛奔去追貓
貓加快 9 秒 8 逃出大閘走左 lu
驚嚇指數比上次高
睇黎貓老弟有排唔侵石頭玩啦
好涼爽的一個端午節
貓老弟正在等我一齊去巡塲
之前天氣熱拒絕了牠好幾次
今朝天氣涼爽爽
好啦 出發啦
我忘記自己係大隻仔
動作太大嚇親貓
冇安全地方匿埋
就黐住道牆
於是
我唔理佢獨自去巡塲
果然
真的唔見貓蹤影
唔通
怕左我 ?
嬲左我 ?
尋晚
貓老弟邀請我夜遊大笪地
我企硬唔去好掃興
今日又嚇怕佢
今日一場又一場的大雨
破壞我的游水活動
聽在家吽菇啦
揾食是最佳的消遣
所以
一見有人入廚房呢 .....
守住個門ロ
等人放嘢食入狗ロ
等得唔耐煩又企起身
裝吓廚房搞嘜東東
首先睇啱兜咸豬肉
太大想頭了
又咸又好味邊有我份丫
眼白白睇住兜豬肉放入雪櫃啦
我見到仲有好多嘢食
一於緊守岡位
我唔會放棄嘅
我一定有得食嘅
