談心 ~ 平穩

10 月 19 日

做定期心臟檢查

磅重 31.幾 kg

輕左約1 kg

報告

血壓踩界緊緊合格

肥大的心臓又再長大丁點 (舊毛病) 

二尖辮有倒流 (新發現)



雖然醫生給的評語是平穩

但是聽到二尖瓣失守

即刻目瞪口呆兼且心噏幾日

其實自己心裡有數預左啦！

唔再噏 !  唔再噏 !

每天過得開心己感滿足 幸福

1012獅子會

為泊一個停車位

搗塔咁早出門

餓住肚出街

冇陰公呀

開飯呀 ... 開飯呀

好肚餓呀

食飽飽有氣カ

等我周圍八吓先

石頭 : 

果邊有好多阿婆

   我想去趁墟 ?

阿媽 :

唔准諸事八卦

石頭 : 

唔俾狗去埋阿婆堆

冇自由冇民主

我要採取不合作行動

我佔領道路抗議呀

後來有阿伯叫我埋堆

he..he..

好開心好滿足呀

今日仆街好幾次

撞到咀唇也損了

無論仆過幾多次

我依然勇往向前繼續衝衝衝

四月有 D 事

Long time no see

大家好 !!!

四月有 D 事

等我話你知

點解咁耐冇蒲頭 ?

因為
有人左眼發雞盲呀 !

阿媽左眼老毛病發作

視カ受到影嚮

需要多休息少傷神

所以一段時間冇寫 blog

希望康復得快

索性請個長假養眼

最開心係我啦

可以同阿媽朝夕相對

哈 .. 哈 ..

目前視カ正常返

但係狀態好唔返

眼睛好容易累喎

唓 ... 好易啫

咪埋眼米唔累囉

蠢蛋

好彩唔肓得
趁長假替我剪毛消暑
似唔似白豬仔呢 ?

談心 ~ 正常

3 月 17 日 

醫生給我一個好消息

檢查報告 :

心室回復正常了

肥大的心臟沒有變大

當然亦冇可能會縮小

size 跟上次檢查的完全一樣 ( 6個月前 )

醫生說半年保持不變算是很不錯

叫我不要鬆懈

做開的事繼續做

食開的藥繼續食

萬事不變求不變

保持現狀就好了

所以

藥丸照舊冇加減

跟一前年比較

我的體重直線上升

平均每次覆診加磅0.3 kg

今次 32.3 kg

助手姐姐笑我周身肉要減肥喎

其實係回復正常體重冇肥到架

後來先知

原來一年前又係 3 月 17 日覆診

咁橋嘅

偷看覺覺豬

請注意
以下圖片可能令人恰眼睏 

有隻狗仔覺覺豬 ZZzzzZ

媽媽 :

好似 B B 好可愛

爸爸 :

似隻大舊衰多 D 喎

媽媽 :

大隻 B B 好可愛

爸爸 :

來來去去都係咁既樣

見過冇數次拍過冇數次

唔厭架咩 ?

媽媽 :

次次有趣唔厭喎

有時似隻大冬瓜

有隻大冬瓜碌出界

別人眼中可能睇到眼寃悶到嘔

身為阿媽總是百看不厭

唔知其它阿媽有冇身同感受呢 ? !

感謝

３月７日收到個小郵包

係一個素未謀面的 blog 友送給石頭的手信

驚喜又感動

裡頭除了有一份禮物

還有一份心意

已有兩年冇戴過頸巾了

這份禮物提醒我要扮吓靚仔

不過

戴了頸巾唔係去街架咩

做嘜仲唔出發

揾老襯呀？！

hehe冇揾老襯

等我戴新頸巾去巡塲先

好多謝 June 姐姐呀

狗賊

光天化日有賊仔

偷咩 ???

wakaka )))))))) 偷狗屎呀

尋日

石頭痾完篤屎正在打包之際

見到貓老弟坐在遠處

一於先會貓後掉屎

把袋屎暫放在地上

然後我就跑去會合貓老弟了

我跟貓老弟練功

傻媽在旁做監督

賊仔有機可乘

趁機靜雞雞偷走袋屎

當我哋練完功想返去掉狗屎

地上一望 ... 唔見左喎

再望遠 D 啦

原來袋屎俾一隻黑狗叼走了

並運用偷番薯的步姿

把賊贓帶回牠的地盤

黑狗對我哋有戒心

傻媽寧願暗地裡被人罵义

都不敢冒險去拾回失物

算吧！做一次衰人啦！

凍冰冰

入冬以來的最凍
 7。C 
好凍好凍呀

天寒地凍

瞓梳化最舒服

冇咩事幹唔好打擾我

有嘢食有街去先叫我啦

大家要小心保暖自己

唔好凍親呀 !!

馬年行大運

石頭祝大家

龍馬精神 馬年好運

豐衣足食 笑囗常開

年初一的活動係行大運

Go Go Go

向前尋歡樂

衰八卦自投羅網被困了

放我出去呀

放監了

可以回家吃飯了

hehe

玩花臣

剛剛去完散步回來。。。

媽媽 :

做乜唔返上樓

伸個鼻出去做咩呀 ?

石頭 :

我想出去囉

媽媽 :

又睇你出去玩咩花臣

石頭 :

就係咁 [昆] 到阿媽放我出去了

第一站

頭先未有同鄰居傾計

唔講野會囗臭

第二站

頭先漏左篤屎未痾

忍屎會放臭屁

第三站

頭先冇巡呢度

唔巡過個心囉囉孿

嗱 。。。

石頭冇玩嘢有功課交啦